Tá oileán álainn Anglesey buailte le cósta na Breataine Bige Thuaidh, áit é a bhfuil thart ar 100 míle d'immealbhord mórthaibhseach air agus é suite laistigh de cheantar d'áilleacht nádurtha den scoth. Is í éagsúlacht na háite a tharraingíonn na sluaite ann. Cibé áit ann a mbeidh tú ag fanacht, ní bheidh an éagsúlacht seo i bhfad uait. Tá oidhreacht sheandálaíochta is iarsmaí stairiúla ar fáil ann go flúirseach. Oileán íontach é seo maidir le líon na ngnáthóg atá ann: na haillte móra, inbhir, murlaigh agus dumhcha atá suite ar an gcósta chomh maith le locha, tailte fliucha, fraochlochaigh agus mósáic na bhfeirmeacha intíre. Ar na gnéithe a mheallann cuairteoirí tá na tránna, ar thaobh amháin na tránna fiáine ar Bhá Llanddwyn agus ar an dtaobh eile, tránna Benllech ar aghaidh na farraige, nó Bá Chemaes, cuan deas ciúin pictiúrtha.

Is tú ar cuairt anseo, beidh seans agat cócaireacht ilghnéitheach an oileáin a bhlaiseadh duit féin má leanann tú treoir eolaire bia, Taste of Anglesey - bia álainn bunaithe ar fad ar tháirgí áitiúla. Tugtar Môn Mam Cymru - Máthair Na Breataine Bige, go háitiúil ar Oileán Móna, tagairt a chuireann in iúl gurbh é seo bialann Na Breataine Bige ariamh anall.

Tá an rogha chomh flúirseach céanna in Oileán Móna maidir le lóistín: lóistín feirme, áit ar féidir leat cócaireacht bhlasta baile a bhlaiseadh, nó tithe aíochta, áit a gcuirfear mórfháilte romhat is a mbeidh eolas ar fáil, leis, faoi imeachtaí áitiúla. Ina dteannta sin, tá na tithe ósta, nó na tithe móra tuaithe, ina bhfuil breis sócaimis ar fáil. Más fearr leat tithe saoire féinfhreastail, tá siad fairsing ann, chomh maith le láithreáin carbháin seasta agus láithreáin champála. Cibé áit a fhanfas tú, cuirfear fáilte is fiche romhat. Beimid ag tnúth leat.