Mae ynys hardd Môn yn cofleidio arfordir Gogledd Cymru ac yn ymfalchio mewn dros 100 milltir o arfordir ysblennydd o fewn Ardal o Harddwch Naturiol Eithriadol. Amrywiaeth yw ei hatyniad arbennig, ac mae popeth yn hawdd i'w cyrraedd o ble bynnag y dewiswch aros. Mae wedi'i thrwytho yng nghyfoeth ei threftadaeth archeolegol a hanesyddol. Nid ocs ei thebyg o ran ei hamrywiaeth o gynefinoedd bywyd gwyllt o glogwyni môr anferth, aberoedd, lagynau a thwyni ei harfordir i lynnoedd, tiroedd gwlybion, rhosydd a chyfoeth brithwaith tir ffermio ei pherfedd. Ei thraethau yw un o'i hoff atyniadau o draethau digyffwrdd a helaeth Bae Llanddwyn i lan y môr brysur Benllech, neu Fae Cemaes sy'n ddistaw ac yn bictiwrésg.

Yn ystod eich ymweliad darganfyddwch amrywioldeb coginio Ynys Môn gyda chymorth ein llawlyfr llwybr bwyd Blas o Fôn prydau bwyd i dynnu'r dwr o'ch dannedd a phob un yn defnyddio cynnyrch lleol. Adnabyddir Ynys Môn fel Môn Mam Cymru, cyfeiriad at rôl hanesyddol yr ynys fel basged fara Cymru.

Ceir dewis o lety sydd yr un mor amrywiol. Dewiswch o Wely a Brecwast ty fferm, ble cewch flasu hyfrydwch bwyd cartref traddodiadol, neu Wely a Brecwast mewn gwesty, ble byddwch yn sicr o gael y croeso gorau a gwybodaeth ar ddigwyddiadau lleol. Mae yma westai o bob math gan gynnwys plastai a'u holl foethusion ychwanegol. Pe bai'n well gennych wyliau hunanarlwyol, yna mae digonedd o fythynnod parciau carafan statig a gwersyllfaoedd. Ble bynnag y byddwch yn aros, byddwch yn sicr o groeso cynnes. Edrychwn ymlaen at eich ymweliad.